मी, काल एका मित्राकडे गेलो होतो..
तर, तो बिचारा.. एका ताटामध्ये शेंगदाणे निवडत बसला होता. हे दृश्य पाहून, मला जरा आश्चर्य वाटलं.
त्यामुळे मी त्याला विचारलं, काय रे बाबा हे काय करतोयस..?
तर म्हणाला.. माझी बायको एक नवीन व्रत करत आहे. श्रावण महिन्यात, पूर्ण महिन्याच्या उपवासा सोबतच. वटवृक्षाला रोज एकशे आठ प्रदक्षिणा घालण्याचा तिने संकल्प सोडला आहे.
पण होतंय काय..
किती प्रदक्षिणा झाल्या आहेत, त्याचं गणित जुळून येत नाहीये. त्यामुळे तिने एक नवीन शक्कल लढवली.

रोज एकशे आठ शेंगदाणे सोबत न्यायचे. एक प्रदक्षिणा पूर्ण झाली, की एक शेंगदाणा तोंडात टाकायचा. शेंगदाणे संपले, की प्रदक्षिणा पूर्ण झाल्या असं समजायचं.

त्यामुळे तिने मला हे एकशे आठ शेंगदाणे मोजून बाजूला काढायचं काम लावलं आहे..!

कशी वाटली, आयडियाची कल्पना..!