चतुराई..

दुपारी, दोन सव्वादोन वाजता..

सुंदरसा चुडीदार घालून, काळेभोर केस पाठीवर मोकळे सोडून, सोबत लाली पावडरचा भपका. आणि, सेंटचा घमघमाट. 

अगदी नटून थटून ती ऑफीस मध्ये आली.

सर्वांना... गोड आवाजात, गुड मोर्निग म्हणाली....!

तितक्यात, त्यातील एकजण तिला म्हणाला,  अहो मेडम, आता तर टळटळीत दुपार झाली आहे. आता कसली आम्हाला गुड मोर्निंग करताय..?

ती, तोर्यातच म्हणाली...

मी, ज्यावेळी ऑफिसमध्ये पोहोचते. ती वेळ, माझ्यासाठी गुड मोर्निगच असते.

आज, तिचा मूड फारच फ्रेश दिसत होता. आणि आज, रोजच्या पेक्षा ती थोडी सुंदर सुद्धा दिसत होती.

सगळे मित्र मंडळी, तिच्या सौंदर्याची तारीफ करत होते..

तेवढ्यात,

तिच्या पाठमोऱ्या भागात जेवण करत असणाऱ्या एका महिला कर्मचाऱ्याने, 

तिच्याकडे पाहत, तिला एक प्रश्न केला..!

" तुझी केसं का गं इतकी विसकटली आहेत...? "

एक महिला, दुसर्या महिलेला अगदी ताबडतोब ओळखते. आणी, जागच्या जागीच तिला आपली जागा सुद्धा दाखवते..!

बाकी सगळे मित्र, तिझं सौंदर्य पाहण्यातच दंग होते.

त्या बाईचं, वरील वाक्य ऐकताच. सगळे, भानावर आले. आणि, तिने तर तेथून न बोलताच पोबारा केला...!