जीर्ण..

पुण्यातील...

कित्तेक जीर्ण वाड्यांमध्ये, काही व्यक्तींच्या अक्षरशः तीन-तीन पिढ्या गेल्या आहेत. ह्या पुरातन वास्तूमधून, आपल्याला काहीतरी मोबदला नक्क्चि मिळेल. ह्या आशेवर, संपूर्ण आयुष्य 'आठ बाय दहा' मध्ये घालवलेल्या. कितीतरी पिढ्या, ह्या पुण्यनगरीने पाहिल्या आहेत.

आणि,

जुने भाडेकरी, कधीतरी हि घरं सोडून जातील. आणि, आपल्या वडिलोपार्जित हक्काची जागा. फक्त, आपल्यालाच मिळेल. ह्या आशेवर,  घरमालकांच्या कितीतरी पिड्या ह्या पुण्यामध्ये बरबाद झाल्या आहेत.

हे कटू सत्य सुद्धा, ह्या पुण्यनगरीनेच पाहिलं आहे.. 

आणि, काही अंशी...

ह्या मालक आणि भाडेकरी,

या दोघांनाही , 

अतिटतीला येऊन, भर पावसात रातोरात जमीनदोस्त झालेल्या वाड्याच्या पांढर्या मातीच्या ढिगाऱ्याखाली. 

कोणी जिवंत व्यक्ती सापडतायत का..? 

हे शोधायची वेळ येते...

आयुष्य खूप छोटं आहे. त्याला आणखीन छोटं का करून घ्यावं..?