परवा.. माझ्या कामातील एक मित्र..

बाजारात..नव्याने, फेशन म्हणून आलेलं. दोन्ही बाजूने पोकळी असणारं, आणि डोक्यावर टोपीसारखं घालता येणारं कापडी " चिरकुट " खरेदी करण्यासाठी बाजारात निघाला होता. तितक्यात, त्याला त्याच्या एका मित्राने टोकलं. 

"काय रे... कुठे निघाला आहेस..?

"फेशन स्ट्रीटला..!

"का.. काय खरेदी करायचं आहे तुला..?

"अरे.. ते नवीन नाही का आलं. ते डोक्यात टोपी सारखं घालतात ते. परत, तोंड सुद्धा झाकता येतंय त्याने. भारी आयटम आहे राव तो..!

त्या मित्राचं सगळं बोलणं ऐकून झाल्यावर, तो मित्र त्याला म्हणाला.

"वहिनी लेगीस वापरतात ना..!

खरं तर.. त्याचा हा प्रश्न ऐकून, तो मित्र थोडा चकराऊनच गेला होता. पण, धीर एकवटून तो त्याला हो म्हणाला..आणि, त्याला विचारता झाला.

"तर मग..?

"अरे.. वहिनींची एखादी जुनी लेगीस तुझ्या घरात असेलच कि. तिला, गुडघ्यातून कंबरे पर्यंत कापून घ्यायची. आणि तेच डोक्यात घालायला वापरायचं. दोन्ही एकच असतंय ते..!

 

हे सगळं ऐकणारा, तो मित्र तर अगदी बेशुद्ध पडायचाच बाकी राहिला होता. आणि, हा प्रसंग लिहून मी तर भलताच खुश झालो आहे..! 

कोण व्यक्ती, कशाचा, काय आणि कसा शोध लावेल त्याचा नियम नाही. 

पण त्याचबरोबर, 

" कंबरेचं सोडून, डोक्याला गुंडाळणे हा नेमका काय प्रकार असतो..! "

त्याची.. अनुभूती सुद्धा मला याची देहा मिळाली..!