कारवार भटकंती, ( भाग :- दोन )
======================
कारवारमधील उळगा या गावी निराकार देवाच्या यात्रेला मी यावर्षी गेलो होतो. यात्रेदरम्यान, कारवारच्या विविध वाड्या वस्त्यावर घरोघरी एक विशिष्ट पदार्थ बनवला जातो. त्यालाच, देवाचा प्रसाद असं सुद्धा म्हंटलं जातं. कारण, आवड म्हणून हा पदार्थ एरवी कोणी बनवत नसतो. ह्या पदार्थाची खरी लज्जत, हि या यात्रेच्या काळात

च असते.

घरामध्ये, नाश्त्याला आपण इडली बनवण्याकरिता ज्या मिश्रणाचा वापर करत असतो. साधारण तशा प्रकारच्या पात्तळ पिठापासून हा लज्जतदार पदार्थ बनवला जातो. त्या पदार्थाला ह्या भागामध्ये " हिट " ह्या नावाने ओळखलं जातं.

हा पदार्थ तयार करण्यासाठी लागणारी सामुग्री म्हणजे. इडलीचं तयार मिश्रण, फणसाची चार मध्यम आकाराची पानं आणि नारळाच्या पानाच्या काट्या.
फणसाच्या चार पानांना, अधिक चिन्हासारखं एकमेकात विशिष्ट प्रकारे गुंफून घेतलं जातं. त्यानंतर, त्या पानांपासून विशिष्ट अशा आकारमानातील एक पोकळ मोदक तयार केला जातो. पोकळ मोदकाच्या वरील बाजूस असणारी पानाची देठं कापली जातात. फक्त, त्यातील एका पानाचं देठ मात्र ठेवलं जातं. हे सर्व कशासाठी तर, देठ कापल्यामुळे त्या पोकळ मोदकात इडलीचं मिश्रण विनासायास भरता येतं. आणि एका पानाचं देठ ठेवल्यामुळे, त्या भरीव किंवा पोकळ मोदकाला वरील बाजूने अलगद उचलता सुद्धा येतं.

तर.. प्रथम, ह्या फणसाच्या पानाच्या तयार मोदकामध्ये इडलीचं जाडसर मिश्रण ओतलं जातं. आणि त्यानंतर, ह्या मोदकांना उकड पात्रामध्ये वाफेवर उकडून घेतलं जातं. आणि, हे इडली मोदक किंवा हिट तयार झाल्यावर. काबुली चना आणि वाटाण्या पासून बनवलेल्या मसालेदार कुर्म्याबरोबर. किंवा,ओल्या नारळाच्या दुधापासुन बनवलेल्या रसाबरोबर पाहुण्यांना हा प्रसाद खायला दिला जातो.
खूपच लज्जतदार आहे हा पदार्थ, एकदा तुम्ही सुद्धा नक्की करून पहाच.

क्रमशः