मध्यंतरी.. माझ्या एका मित्रासोबत गप्पा मारत मी उभा होतो.

तितक्यात माझ्या ओळखीतला अजून एक दुसरा मित्र, जो साधारण वयाची पन्नाशी ओलांडलेला आहे. त्याने मला आवाज दिला,
काय भाऊ काय चालु आहे..! मी सुद्धा त्याला ठीक आहे म्हणालो. आणि, तो मित्र आल्या पावली पुन्हा त्याच्या कामाला निघून गेला.
तो मित्र निघून गेल्यावर.. माझ्या सोबत बसलेला मित्र मला म्हणाला.
हा मनुष्य तुझ्या ओळखीचा आहे का..?
मी हो म्हणालो, कारण तो मित्र माझ्या फार जुन्या ओळखीतला होता..!
त्यावर माझा पहिला मित्र मला म्हणाला,

अरे, हा एक नंबर " चीटर " आहे..!

हे ऐकून मला थोडा धक्काच बसला.
आणि.. त्या मित्राची बाजू सावरत मी त्याला म्हणालो. नाहीरे, तुझा काहीतरी गैरसमज झाला आहे. हा खूप चांगला मनुष्य आहे. कोणीही कोणतंही काम सांगू द्या, तो कधीही नाही म्हणत नाही. सदैव कामाला तत्पर असतो. सदा हसत खेळत असतो. आजवर त्याने कोणाला फसवलं आहे. असं माझ्या तरी पाहण्यात किंवा ऐकण्यात नाहीये.

त्यावर तो मित्र म्हणाला.. तू समजतो आहेस तो चीटर म्हणजे फसवणूक झाली, असच ना..!
मी सुद्धा त्याला माझा होकार कळवला. तर तो मित्र म्हणाला, मी म्हणतोय तो चीटर हा प्रकार जरा वेगळा आहे. आता बाकी माझे सुद्धा कान टवकारले. कि, हा चीटर म्हणजे नेमका काय प्रकार आहे..?

तर हा विषय असा होता..
पुण्यातील काही गार्डनमध्ये, प्रेमी युगुल लपूनछपून " मज्जा " मारत असतात. त्यावेळी त्यांना कसलच भान उरत नाही. ते दोघेही एकमेकात एकरूप झालेले असतात. आपल्याला, नको त्या अवस्थेत कोणीतरी पाहत आहे. याचं सुद्धा त्यांना भान उरत नाही.
अशावेळी, गार्डनमध्ये फिरण्याच्या बहाण्याने. हा कामुक प्रणय प्रसंग चोरून पाहणाऱ्या व्यक्तींना चीटर असं म्हणतात. ( खरं सांगायला गेलं तर, असे छुपे कामुक प्रसंग पाहून त्यातच समाधान मानणारे व्यक्ती, एका विशिष्ट आजाराचे बळी असतात. ) हि माहिती मला परवा नव्यानेच मिळाली. पण चीटर नाव ऐकून, कोण कोणाला काय नाव ठेवेल त्याचा बिलकुल नेम नाही. याची मला पुन्हा एकदा खात्री झाली.

असो.. तुमच्या भागातील ठराविक भागात, किंवा गार्डनमध्ये सुद्धा असले प्रकार सर्रास घडत असतील. आमच्या पुण्यात, अशा प्रेमी युगुलांसाठी.. संभाजी बाग, बंड गार्डन आणि एम्प्रेस गार्डन अशी तीन प्रसिद्ध ठिकाणं आहेत. तुमच्या भागात सुद्धा अशी काही ठिकाणं आहेत का..? आणि जर असतील तर ती कोणती..?
आणि त्याच बरोबर, त्या भागात सुद्धा अशी चीटर लोकं सुद्धा नक्कीच असतील. तर.. तुमच्या भागात, या " चीटर " लोकांना काय म्हणतात..?