आत्ता काहीवेळा पूर्वी,
माझ्या एका उच्चविद्याविभूषित मित्राचा मुलगा.
दारूच्या दुकानातून बाहेर येताना मला दिसला. तो मुलगा सुद्धा आता कमवता आहे, आणि बाप सवाई बेटा सुद्धा आहे.

मी रोडवर उभा होतो. 
आणि त्याच्या हातामध्ये असणाऱ्या पिशवीत दारूची बाटली होती. ते दृश्य पाहून मला खूप वाईट वाटलं.

मी त्याच्याकडे पाहून नकारार्थी मान हलवली..
तर तो मला म्हणाला..
काय झालं काका..?
मी म्हणालो, वाईट वाटलं रे. तुमच्या सारखी तरुण मुलं असं काही करताना दिसली की मला खूप वाईट वाटतं.

त्यावर.. एक मोठा सुस्कारा सोडत तो मला म्हणाला..
अहो काका.. ही वाईन मी माझ्याकरीता घेतली नाहीये, माझ्या पप्पांकरिता घेतली आहे.

आज त्यांना एन्जॉय करुद्यात,

" फादर्स डे आहे ना आज..! "