बांगडा तंदूर. ( माझी घरगुती पद्धत )

साहित्य :- दोन ताजे आणि मोठे बांगडे, हळद, मीठ, तांबडं तिखट, एक मोठा कांदा, दोनचार कोथंबीरच्या काड्या , दोनेक पुदिना काड्या, लिंबू, चाट मसाला, धना पावडर, टूथपिक आणि फॉईल पेपर. ( तेलाची आवश्यकता नाही. )

कृती :- बांगडे खरेदी केल्यावर, त्यांना स्वच्छ करून घ्यावं. आणि, पोटातील काट्याच्या मधोमध त्यांना एक लांबसर काप द्यावा. आणि वरील बाजूस चिरा मारून घ्याव्यात.

बांगड्याला हळद, मीठ आणि लिंबूरस चोळून मस्तपैकी अर्धा तासभर मुरवत ठेवावं.
कांदा गोलसर चकत्या करून कापून घ्यावा, त्याची प्रत्येक रिंग हाताने चुरडून वे
त्यात.. मीठ, हळद, बारीक चिरलेली कोथंबीर आणि पुदिना, एका मोठ्या लिंबाचा रस, चाट मसाला, धना पावडर आणि लाल मिरची पावडर टाकून हे मिश्रण हाताने एकजीव करून घ्यावं.

गळी करून घावी.

हे एकत्र केलेलं मिश्रण, बांगड्याच्या उभ्या कापात ( पॅटिस सारखं ) भरून घ्यावं. फुटभर आकाराचा फॉईल पेपरचा तुकडा घ्यावा. आणि त्यात, हा भरलेला बांगडा चांगला लपेटून घ्यावा. चारी बाजूने झाकलेल्या फॉईल पेपरला टूथपिकणे टोचे मारून घ्यावेत.
हा बांगडा, गॅसवर तारेची जाळी ठेऊन दोन्ही बाजूने मंद आचेवर भाजून घ्यावा. भाजताना, त्यातील पाण्याची वाफ फॉईल पेपरला टूथपिकणे केलेल्या होलमधून बाहेर पडेल. आणि सोबतच या पाककृतीचा सुगंध सुद्धा घरभर दरवळेल. थोडसं दोन्ही बाजूला फिरवून, दहाबारा मिनिटे हा बांगडा मंद आचेवर भाजून घ्यावा.
तंदूर बांगडा तयार झाल्यावर गरम असतानाच त्याला फॉईल पेपर मधून मोकळा करून घ्यावा. जास्ती उशीर केलात, तर फोइल पेपरच्या आत दडलेल्या वाफेचं पाण्यात रुपांतर होऊन, हा बांगडा ओला होऊ शकतो.

त्यानंतर.. विशिष्ट पेयाबरोबर किंवा जेवणाबरोबर तुम्ही या तंदूर बांगड्याचा आस्वाद घेऊ शकता.

( याच पद्धतीने, तुम्ही इतर फिशचे तंदूर सुद्धा बनवू शकता. )

शेफ
~PΔΠDIT PΩTTΣR~