बऱ्याच दिवसापासून, असं पाहायला मिळतंय..
प्रत्येक फळविक्रेता,
त्याच्याकडे असणाऱ्या फळांवर इंग्रजीत नाव असलेल्या अंडाकृती स्टीकरवर " एक्स्पोर्ट कॉलिटी " लिहीलेलं असतं. ते स्टीकर तो प्रत्येक फळावर चीटकवत असतो.
वास्तविक पाहता, एक्स्पोर्ट कॉलिटीची फळं फार मोठ्या मॉल मध्येच मिळत असतात.
पण जाहिरातीचा विषय पाहिला, तर प्रत्येक गिऱ्हाईक आपण घेत असलेलं फळ हे एक्स्पोर्ट कॉलिटीचं आहे. अशी आपल्या मनाची समजूत घालून घेतो. 
शेवटी काय आहे, हा सगळा जाहिरातीचा जमाना आहे.

पण त्या फळावर स्टीकर लावण्यामागचं नेमकं गणित तुम्हाला माहित नसावं. ते मी आज तुम्हाला सांगणार आहे.
अशी स्टीकर लावलेली जी फळं असतात. त्या फळातील ठराविक फळांवर काहीतरी काळा किंवा किडका डाग असतो. आणि, तो छोटा डाग झाकण्याकरिता ती लोकं हा उपद्व्याप करत असतात.
आणि आपल्याला वाटतं. कि आपण, एक्स्पोर्ट कॉलिटीची फळं विकत घेतली आहेत. आहे की नाही गंमत..!