जुनियर कॉलेजमध्ये,
मी पहिल्या वर्षाला असताना. एस.वाय.बी.ए. मध्ये शिकत असणारी. विद्या नावाची माझी एक मैत्रीण होती. गोरीगोमटी, जेमतेम उंचीची, सुडौल बांध्याची विद्या..
दिसायला खूपच सुंदर होती. पण बहुतेक, तिचं कॉलेजमध्ये नसणाऱ्या, आणि कुठेतरी चांगल्या ठिकाणी जॉबला असणाऱ्या एका मुलाबरोबर. तिचं प्रेमप्रकरण चालू होतं. असं माझ्या ऐकिवात होतं. परंतु.. त्यासंबंधी, माझ्याकडे काही ठोस पुरावा नव्हता.

तर.. हि विद्या, एक फेशन म्हणून. तिच्या दोन्ही पायाच्या अंगठ्या शेजारील बोटात. एक जोडव्या सारखी कसलीशी रिंग घालायची. एकदा, सहज म्हणून मी तिला विचारलं होतं.
विद्या, तुझ्या पायाच्या बोटात हि जोडवी आहेत का गं..?
तर म्हणाली.. नाही रे, माझं लग्न कुठे झालय..? ती एक फेशन आहे..!

असेल बुवा, नव्वदीच्या काळात मुली लवकर जीन्स पेंट सुद्धा घालत नव्हत्या. तर, त्या काळात इतकी साधी फेशन नक्कीच असू शकते. हे मी, त्यावेळी ताबडतोब कबुल केलं होतं.

पण..आज एक गंमतच झाली.
माझं सहज म्हणून लक्ष गेलं, माझ्या ओळखीतल्या एका मुलीच्या, मैत्रिणीच्या पायातील अंगठ्या शेजारील बोटात. विद्या घालायची तशीच सिंगल रिंग मला दिसली. मी सहज म्हणून, माझ्या मैत्रिणीला विचारलं. तुझी मैत्रीण विवाहित आहे का..? तर, ती नाही म्हणाली.
मग मी, तिला पुन्हा विचारलं,
ती विवाहित नाहीये.. तर, तिच्या बोटात ते जोडव्या सारखं काय आहे..?
माझा चिकित्सक प्रश्न ऐकून. शेवटी तिची मैत्रीनच मला म्हणाली..!

" हो.. आम्ही, गुपचूप लग्न करून घेतलं आहे..! "

गुपचूप लग्न केल्यामुळे, मोकळेपणाने मला मंगळसूत्र घालून फिरता येत नाही. म्हणून, लग्नाची काहीतरी आठवण म्हणून, अशावेळी आम्ही मुली पायातील बोटात अशी सिंगल रिंग घालत असतो.
त्या मुलीच्या या उत्तरावर..
माझं मन, पुन्हा एकदा पंचवीस वर्ष मागे गेलं. त्यावेळी, विद्याने सुद्धा अशीच काहीतरी गडबड केली असावी का..?

कारण, त्यानंतर.. दोनपाच वर्षांनी तिचं त्याच मुलाबरोबर धुमधडाक्यात लग्न झालं होतं..!

याविषयी, कोणाला काही जास्तीची माहिती आहे का हो..!!