एक तर, कोणताही व्यक्ती कितीही जीव लावला तरी लवकर जवळ येत नसतो.
त्यात, " पैसा " माणसाला दूर करत असतो.

हे गणित तर, मी कोणालाच सांगायला नको आहे. पैसा फार वाईट, त्या पैश्याकरिता सख्खा भाऊ भावाला ओळखत नाही. इतकी तर, उंच मजल त्या पैश्याने मारली आहे. त्यामुळे, बिचार्या बहिणींचा विषय तर काढायलाच नको..! नाहीतर, ओवाळणी पेक्षा भावाचं नातं तुटायची भीती जास्त.
म्हणून,
माझ्या कोणत्याही मित्रांबरोबर.. मी, " पैश्याचे " व्यवहार टाळत असतो.
परंतु, चुकून काहीवेळा असे व्यवहार घडत सुद्धा असतील. मी स्वतः, त्यातून गेलो आहे. त्याची झळ, मला सुद्धा पोहोचली आहे. म्हणून, मी मित्र तोडले नाही. व्यवहार टाळला..!
त्याकरीताच, हा लेखप्रपंच.

कोणताही मित्र, एखाद्या मित्राचे पैसे ठरवून.. किंवा " मुद्दाम " बुडवणार नसतो.
परंतु.. मोठ्या रकमेचा पैसा जिथे येतो, तिथे मोठमोठे व्यवहार सुद्धा असतातच.
शेवटी, पैसा आहे..
समोरून व्यवहारात धोका झाल्यावर. त्यात, त्या ठेवीदार मित्राचा सुद्धा नाईलाज असतो. त्यामुळे, आपसूकच ती झळ आपल्याला सुद्धा पोहोचते. मला सुद्धा एकदा असा फटका बसला आहे.
एवढं सगळं होईपर्यंत, " एक तर मैत्री ठेवा " नाहीतर, " व्यवहार " ठेवा..! "

बघा, जमेल तसा अवलंब करा..!

पण, मनुष्य जन्म एकदा आहे. आणि, पैश्यापेक्षा "मित्र" मोठा आहे. हे, कदापि विसरू नका.
एकवेळ, पैसा कामी येणार नाही. पण, मित्र नक्कीच कामाला येतील..!

हा माझा, चाळीस वर्षांचा अनुभव आहे..!