बरेच दिवसानंतर..
परवा, मला रात्रपाळीला कामाला जावं लागलं होतं.

मध्यरात्री.. आमचं काम संपल्यावर,
मी व माझे काही सहकारी, ऑफिस वरून आपापल्या दुचाक्यावर घरी जायला निघालो होतो. तर, त्या सुनसान रस्त्यावर.. आम्हाला कसली तरी हलचल जाणवली.

वीस पंचवीस वर्षांची, एक सुंदरशी बाहुली सारखी दिसणारी मुलगी. एका व्यक्तीच्या अंगाला झटत होती. तो व्यक्ती दुसरा तिसरा कोणी नसून रात्रीच्या गस्ती पथकातील फौजदार होता. तो बिचारा चांगला गृहस्थ असल्याने. तिला समजावून घरी जायला सांगत होता. पण तिच्या अंगचे चाळे काही कमी होत नव्हते.
त्या मुलीचा पेहेराव पाहून, मी तर जाम हादरून गेलो होतो.
गुढग्याच्यावर पर्यंत असणारा तंग फ्रॉक तिने परिधान केला होता. इतक्या अंधाऱ्या रात्री सुद्धा, दिव्याच्या प्रकाशात तिच्या अंगात असणार्या त्या तलम आणि तंग फ्रॉक मधून. तिच्या शरीराचे, प्रत्येक बारकावे अगदी स्पष्टपणे माझ्या नजरेस पडत होते. ती मुलगी, अमली पदार्थाच्या अमलात होती. कि तिने, आणखीन काही वेगळी नशा केली होती, ते मला समजलं नाही. पण तिला त्या झालेल्या किंवा केलेल्या नशेमुळे, ठीकसं उभं सुद्धा राहता येत नव्हतं.

तिच्या पायात असणाऱ्या, महागड्या आणि उंच टाचेच्या चपला घालून तिला चालता येत नव्हतं. चपला घालून चालता येत नाहीये. म्हणून, तिने तिचे सेंडल आपल्या हातात घट्ट धरून ठेवले होते. भयानक नशेच्या अमलाखाली, रस्त्यावर झुकांड्या खात भयंकर " कामुक " नजरेने ती प्रत्येक व्यक्तीकडे पाहत होती. आणि, रस्त्यात दिसेल त्या व्यक्तीच्या गळ्यात पडायला पाहत होती. तिच्या अंगात, भीती अशी राहिलीच नव्हती.
माझ्या सोबत असणारी सगळी मुलं, अगदी जान जवान होती. पण, कोणीही तिला शिवायचं किंवा जवळ घ्यायचं धाडस केलं नाही.
त्या फौजदाराला.. ती, " हा माझा काका आहे " म्हणत होती..! तेवढी शुद्ध बाकी होती तिला.
नेपाळी मुलीसारखी दिसणारी ती मुलगी, तोडकं मोडकं हिंदी बोलत होती. त्यामुळे, ती मला भारतीय वाटत होती. नहीतर.. मी तिला केंव्हाच, जपानी किंवा चीनी म्हणून मोकळा झालो असतो..!

शेवटी.. एका व्यक्तीने, झटत झोंबत तिला तिच्या होस्टेलच्या गेट पर्यंत नेवून सोडलं. तरी सुद्धा, गेटच्या आतून ती आम्हाला हातवारे करत होती. हा सगळा फारच भयानक प्रकार होता.
ती मुलगी.. विनाकारण आपल्या गळ्यात पडेल, म्हणून माझे सोबती..

" चला बाबा इथून लवकर..! " असं म्हणत होते.

चुकण जर, त्याठिकाणी तद्दन फालतू मुलं असती. तर त्या मुलीचं काय झालं असतं..? किंवा, त्याठिकाणी पोलीस पथकाची गस्तीची गाडी आली नसती. किंवा आम्ही लोकं सुद्धा तिथे हजर नसतो. आणि चुकून, एकट्या दुकट्या नराधामच्या तावडीत ती मुलगी सापडली असती. तर, पुढे काय घडलं असतं, याची कल्पना सुद्धा न केलेली बरी.

आजवर, रेव पार्ट्यामध्ये,
विविध प्रकारच्या नशा करून. अगदी कोवळ्या वयाच्या बऱ्याच मुली माझ्या हाती लागल्या होत्या..!
असं सांगणारा, माझ्या ओळखीतला एक मित्र तर कधीच मरून गेला होता.

पण, ती पाळंमुळं अजूनही.. या जमिनीत घट्ट रुतून बसली आहेत. ते, याची देहा मला पाहायला मिळालं. आणि चुकून, त्यापुढे त्या मुलीशी काही विपरीत घडलं असतं. तर, सगळा भोग त्या मुलांच्या माथी फुटला असता. मुलांना काय, एका क्षणाची खोटी असते. आणि समोर, बलात्काराची फार मोठी लाट असते. पण, सुदैवाने तसं काही घडलं नाही.

मुलींना आवर घालता आला पाहिजे हो.! हे सगळं, कल्पनेच्या पुढील विश्व आहे..!
एन्जॉयमेंट करायला कोणाची आडकाठी नाहीये. पण असं कृत्य कोणत्याही मुलीच्या हातून घडायला नको. असं माझं प्रामाणिक आणि परखड मत आहे.

माझ्या नजरेने..
होस्टेलमध्ये राहणाऱ्या ( सगळेच सारखे नसतील तरीही ) प्रत्येक मुला मुलींच्या पालकाने,
सावधान म्हणण्या पेक्षा, '" सतर्क " असणं फार जरुरी आहे..!