काल संध्याकाळी.. सगळी कामं आटोपल्यावर,
मोकळी हवा खात मी आमच्या ऑफिसच्या गेटसमोर उभा होतो. गेटसमोरील बाजूस, एका महिलेच्या वर्ष श्राद्धाच्या कार्यक्रमाचा बॅनर लावला होता.
मी.. त्या बॅनर वरील फोटो पाहून त्यावरील मजकूर वाचत होतो. आणि ते वाचून झाल्यावर, अचानक माझं लक्ष थोडं बाजूला गेलं. तर तिथे माझ्या समोरच,
एका बाईकवर.. एक थिल्लर बाई, एका मुलासोबत तोंडात गुठका चघळत बसली होती. आणि एकाएकी माझी आणि तीझी नजरानजर झाली.
त्या बाईने पाहिलं होतं, कि मी समोरील बॅनर पहात होतो. 
आणि त्यानंतर.. आता, मी तिच्याकडे पाहिलं आहे.

त्यावर.. माझ्याकडे पाहून ती बाई मला म्हणाली.

हा-हा माझाच है..!

म्हणजे.. तिला असं म्हणायचं होतं, कि तो बॅनर आणि त्या बॅनर वरील फोटो माझाच आहे.
बहुतेक ती बाई अनपढ आणि मूर्ख सुद्धा असावी. तिला वाटलं असावं. कि समोर लावलेला बॅनर वाढदिवसाच्या शुभेच्छा देण्याकरिता लावला असावा. आणि समोरील बॅनर लावलेल्या महिलेच्या आणि माझ्या दिसण्यात काहीतरी साम्य असावं. त्यामुळे, हा व्यक्ती माझ्याकडे पाहात असावा.

हे म्हणजे असं झालं.. " मान ना मान, मैं तेरा मेहेमान "

निव्वळ मूर्ख बाई होती ती, माझ्यासोबत फुकट बॅटिंग करायला पाहात होती. शेवटी मी सुद्धा तिला एक गुगली बॉल टाकलाच. आणि तिला म्हणालो..

अगं.. तो वाढदिवसाचा नाही, वर्ष श्राद्धाचा बॅनर लागला आहे..!

तसं तिने, मागे वळून तो बॅनर पुन्हा एकदा पाहिला.
आणि.. बाईकवर बसलेल्या त्या पोराला जोरात चिमटा काढला. तसं त्या पोराने सुद्धा, जोरात बाईक दामटली, आणि ती जोडी क्षणार्धात अगदी दिसेनासी झाली..!