माझ्या ओळखीतले..
काही गुठ्का, तंबाखू आणि मावा खाणारे व्यक्ती,
दारू पिणाऱ्या व्यक्तींना नेहेमी बदनाम करत असतात, त्यांना नावं ठेवत असतात. पण त्यांना हे समजत नाही, कि.. अति प्रमाणात दारू पिणारा व्यक्ती, हा लिव्हर खराब होऊन मरणार असतो.

आणि.. लिव्हर हे आपल्या पोटाच्या आत असतं. ते बाहेर कोणालाही दिसत नसतं..!

त्याविरुद्ध.. गुठ्का किंवा मावा खाऊन होणारा रोग..
हा आपल्याला, अगदी समोरासमोर त्यांच्या तोंडावर दिसू शकतो. त्यामुळे, कोणत्याही जाहिरातीत दारूमुळे..

कोण, का आणि कसा मरतो, हे कोणी दाखवत नाही..!

पण.. सिगरेट आणि गुठखा खाऊन आपली काय परिस्थिती होते. ते अगदी खुलेआम दाखवत असतात. अगदी गुठ्का आणि सिगारेटच्या पाकिटावर सुद्धा, नको तसली घाणेरडी चित्र दाखवली जातात. सिनेमागृहात गेल्यावर, या आशयाच्या जाहिराती दाखवल्या नाही.. तर, मी तुम्हाला म्हनेने ती पैज हरेल. परंतु..

" दारूच्या कोणत्याच बाटलीवर असली भयानक चित्रं दाखवली जात नाहीत.! "

का.. याचं मला कोणी उत्तर देऊ शकेल का..?

मध्यंतरी.. माझा एक मित्र, गुठखा आणि मावा याच्या नियमित सेवनाने वयाच्या तिसाव्या वर्षीच आमच्यातून कायमचा निघून गेला. पण आजवर, दारू पिऊन आमच्यातला एका सुद्धा मित्राने इहलोकीची यात्रा संपवली नाहीये. दारू तरी लोकं चोरून पितात हो. पण.. गुठ्का, तंबाखू, मावा, सिगारेट.. हि व्यसनं, सर्वांसमोर अगदी बिनदिक्कत केली जातात. आणि लोकं विनाकारण दारूला बदनाम करतात..!

हे सगळं सांगून, मी दारूची जाहिरात करतोय. असं कोणीही समजू नये. दारू सुद्धा वाईटच आहे, पण तिच्या मोजक्या सेवनाला, दवा असं संबोधलं गेलं आहे. शास्त्रात सुद्धा तसं लिहून ठेवलं आहे. शास्त्रात.. दारूला सोमरस असं गोंडस नाव दिलं गेलं आहे.

जमल्यास.. गुठ्का खा, तंबाखू खा, मावा खा, किंवा सिगरेट प्या. किंवा.. अतिप्रमाणात दारू प्या, मला त्याचं काहीएक सोयरसुतक नाहीये. शेवटी, प्रत्येकाला आपलं हित समजत असतं.

दारू हि दवा आहे, गुठ्का पिचकारी.. आणि, सिगरेट धुवा आहे..!
हे सगळं लिहून मला कोणालाही दुखवायचं नाहीये, पण कसं आहे, मला राहवत नाही ना.

( टीप :- या पोस्ट मागचा मुख्य हेतू, माझे सर्व मित्र.. तंबाखूच्या व्यसनापासून दूर व्हावेत. आणि त्यांना उदंड आयुष्य लाभावं. हीच त्यामागची एक प्रामाणिक इच्छा..! )