फार जुनी घटना आहे..
नगरसेवकाच्या निवडणुकीत एक उमेदवार फार मोठ्या उच्चांकी मताने निवडून आला होता. त्यामागे कारण असं होतं.

निवडणुका म्हंटलं की पैशाचा बाजार हा आलाच. सगळे उमेदवार भरमसाठ पैसे वाटत होते. आणि काही हुशार मतदार, मिळेल तिकडून पैसे घेत होते.
पण त्यातील एक उमेदवार असा होता, जो रेशनकार्ड पाहून प्रत्येक मताला पाचशे रुपये देत होता. तो उमेदवार हे कार्य स्वतः करत होता. तो पैसे वाटायला ज्या ठिकाणी बसला होता. त्याठिकाणी त्याच्या शेजारी एक जाड्या मिठाचं पोतं ठेवलं होतं.
पैसे घेऊन झाले, की दुसऱ्या हाताने त्या पैसे घेणाऱ्या व्यक्तीला, तो पोत्यातील मीठ उचलायला लावायचा.
या गोष्टीचा असा परिणाम झाला, की.. ही एकप्रकारची शपथ आहे.

मिठाला जागलं पाहिजे..!

या विषयाचा सगळीकडे रीतसर प्रचार केला गेला. आणि तो उमेदवार मोठया मतांनी निवडून आला.

आजही.. मीठ या विषयाला लोकं किती घाबरतात. याचं हे जिवंत उदाहरण आहे..!