आमच्या येथील एका हॉटेलमध्ये, माझ्या मुलाचा एक मित्र. व्हेजिटेरियन डिश पार्सल घेण्यासाठी गेला होता. सगळं मेनूकार्ड पाहून झाल्यावर, त्याला..

" पनीर टिक्का " हि भाजी आवडली..!

त्या मुलाच्या घरामध्ये.. कोणी, जास्तीचं तिखट खात नाही. त्यामुळे, ऑर्डर देताना, त्याने ऑर्डर घेणाऱ्या व्यक्तीला तशी सूचना सुद्धा केली होती.

" लेस स्पाईसी " हं..!

भाजी तयार झाली, मुलाचा मित्र ती घरी घेऊन गेला. जेवणाला सुरवात झाली. आणि, त्या भाजीचा घास तोंडात घातल्या बरोबर. त्यांच्या घरातील प्रत्येकाच्या तोंडातून जाळ आणि धूर निघाला.
भाजी भलतीच तिखट झाली होती. त्यामुळे, घरातले सगळे परेशान झाले.
शेवटी वैतागून, त्याची आई त्याला ओरडली. आणि म्हणाली,

" एवढी तिखट भाजी तुला कोणी आणायला सांगितली होती..! "

शेवटी, त्या मुलाला त्याची चूक ध्यानात आली.
त्याने इंग्रजीत " लेस स्पाईसी " असं सांगितलं होतं. पण ऑर्डर घेणाऱ्या व्यक्तीने, ते..चुकून,

" लई स्पाईसी " असं ऐकलं होतं..!