बरेचदा असं पाहायला मिळतं..

आठ दहा ठराविक मित्रांचा एखादा ग्रुप असतो,
त्या ग्रुपमध्ये दोन चार मुली आणि बाकी मुलं असतील. तर, त्या ग्रुपमधील सगळी मुलंमुली अगदी गोळ्या मेळ्याने राहत असतात. त्यावेळी, ते प्रत्येक मित्र मैत्रीण एकमेकांशी अगदी मनमोकळे पणाने संवाद साधत असतात.

पण.. चुकून त्यातील कोणाचे अचानक प्रेमसंबंध जुळले.

तर.. ते दोघे, त्या कंपूमध्ये पूर्वीसारखे एकमेकांशी मनमोकळे पणाने बोलेनासे होतात. काहीच कारण नसताना, त्यांचं मन त्यांना खाऊ लागतं.

" आपल्या बोलण्यातून चुकून यांना काही समजलं तर..? "

आणि, इथेच ती लोकं फसतात. अचानकपणे या दोघात आलेला अबोला. आणि चोरटी नजरानजर काही लोकांच्या नजरेतून सुटत नाही, किंवा पटकन ध्यानात येते.

आणि, आशा रीतीने..
त्या प्रेमप्रकरणाला एका नवीन प्रकारे वाचा फुटते..!