लाल दिव्यावरून,
जरा काळ्या काचांचा जुना विषय मला आठवला.

एकदा.. माझ्या मित्राच्या कारमधून मी मुंबईहून पुण्याला येत होतो.
मित्राच्या कारच्या सगळ्या काचा काळ्या फिल्मने झाकून घेतलेल्या होत्या. वाशीच्या थोडंसं अलीकडे, रस्त्यावर पोलिसांचं एक चेकिंग स्कोड तिथे उभं होतं. आम्ही सुद्धा त्या लाईनीत आमची गाडी घेतली.
आणि, त्या पोलीसापाशी आमची कार आल्यावर..

त्या पोलीसाने.. माझ्या मित्राला दोन्ही हात जोडून नमस्कार केला. कारण, आमच्या कारच्या आतील बाजूस " मनसे " झेंडा लावलेला होता.

आणि तो पोलीस माझ्या मित्राला म्हणाला..
नमस्कार साहेब, तुम्ही आता एक काम करा. कृपा करून कोणाचीही ओळख सांगू नका. तुमच्या गाडीच्या सगळ्या काचा काळ्या आहेत. दंड म्हणून तुम्ही त्याची रीतसर पावती करा, आणि निघून जावा. मी तुमच्याशी बिलकुल भांडू इच्छित नाही. कारण तुम्ही राज साहेबांची माणसं आहात..!

एका दमात..एवढं सगळं रामायण घडल्यावर,
आम्ही तरी कशाला काय बोलतोय. झक मारत आम्ही पाचशे रुपयाची पावती केली. आणि पुण्याला निघून आलो.

पण तुम्ही काहीही म्हणा..
राज साहेबांना मुंबई मध्ये फारच रिस्पेक्ट हो. नाहीतर.. आजवर, पोलिसानी आम जनतेला हात जोडून नमस्कार केलाला माझ्या ऐकिवात सुद्धा नाही. आणि पाहण्यात तर, नाहीच नाही..!